Ҳужумчи Жоау Феликс «Барселона» қизиқишлари доирасида қолмоқда. Бу ҳақда Испаниянинг Sport нашри ўз саҳифаларида хабар берди.
Манбанинг хабарига кўра, клублар Мемфис Депайнинг қишки трансфери бўйича келишиб олишганда, «Барселона» «Атлетико» билан Жоау Феликснинг келажагини муҳокама қилган.
Эслатиб ўтамиз, Жоау Феликс январь ойида «Атлетико»дан «Челси»га ўтган эди. Лондонликлар 23 ёшли португалияликни 2022/2023 йилги мавсумнинг қолган қисми учун ижарага олишди. Англияга ўтишдан олдин Феликс «матрасчилар» билан шартномани 2027 йилнинг ўрталарига қадар узайтирганди.