«Валенсия» бош мураббийи Женнаро Гаттузо Испания Ла лигасининг 19-тури доирасидаги ўз шогирдларининг «Вальядолид»дан учралган мағлубияти (0:1) ҳақида фикр билдирди.
«Иккала жамоанинг жадвалдаги ҳолатини ҳисобга олсак, бу ўзгача ўйин бўлишини билардик. Рақибга нисбатан якка тартибда ҳаракат қилиб, ўйин услубини ўзгартиришга ҳаракат қилдик, шунинг туфайли гол уриш учун тўрт-бешта имконият бўлди, аммо омад бўлмади. Иккинчи бўлимда ҳаммаси ўзгарди, чунки рақиб кўпроқ матонат кўрсатди.
Бу мағлубиятга мен айбдор эканлигим аниқ. Тўғри, жамоа ҳозир беқарор ўйин кўрсатмоқда. Ишимиз шундай давом этмоқдаки, биз ниҳоят ўз имкониятларимизни рўёбга чиқариш ва майдондаги вазиятни ўзгартиришни бошлаймиз», — деди Гаттузо.
