«Valensiya» bosh murabbiyi Jennaro Gattuzo Ispaniya La ligasining 19-turi doirasidagi o‘z shogirdlarining «Valyadolid»dan uchralgan mag‘lubiyati (0:1) haqida fikr bildirdi.
«Ikkala jamoaning jadvaldagi holatini hisobga olsak, bu o‘zgacha o‘yin bo‘lishini bilardik. Raqibga nisbatan yakka tartibda harakat qilib, o‘yin uslubini o‘zgartirishga harakat qildik, shuning tufayli gol urish uchun to‘rt-beshta imkoniyat bo‘ldi, ammo omad bo‘lmadi. Ikkinchi bo‘limda hammasi o‘zgardi, chunki raqib ko‘proq matonat ko‘rsatdi.
Bu mag‘lubiyatga men aybdor ekanligim aniq. To‘g‘ri, jamoa hozir beqaror o‘yin ko‘rsatmoqda. Ishimiz shunday davom etmoqdaki, biz nihoyat o‘z imkoniyatlarimizni ro‘yobga chiqarish va maydondagi vaziyatni o‘zgartirishni boshlaymiz», — dedi Gattuzo.
