"Реал" ярим ҳимоячиси Эдуардо Камавинга фаолиятини "Бавария"да давом эттириши мумкин, дея хабар беради Fichajes.
Манбанинг хабарига кўра, немис жамоаси қишки трансфер ойнасида ярим ҳимоячи сотиб олишни режалаштирган. Мюнхен клуби аллақачон футболчини трансфер қилиш бўйича биринчи таклифни билдирган, бироқ рад жавобини олган.
Олдинроқ, "қаймоқранглилар" бош мураббийи Карло Анчелотти франциялик ярим ҳимоячига дахлсизлик борлигини айтганди.
Камавинга 2021 йилдан бери "Реал"да ўйнаб келмоқда. Унинг Мадридликлар билан амалдаги шартномаси 2027 йилгача мўлжалланган.
20 ёшли ярим ҳимоячи жорий мавсумда барча турнирларда 26 та ўйинда майдонга тушди ва битта голли узатмани амалга оширди.