Бугун Германиянинг Мюнхен шаҳрида "Анжи" клуби ва Ўзбекистон миллий терма жамоаси ҳужумчиси Одил Аҳмедов жароҳатланган тўпиғида қилинган жарроҳлик амалиёти муваффақиятли амалга оширилди. "Анжи" сайтининг ёзишича, футболчининг тўла оёққа туриб кетиши учун 6-8 ҳафта вақт керак бўлади.
23 август куни Одил Россияга қайтади. Шундан кейин махачқалъаликлар тиббиёт ходимлари штаби Мюнхен клиникаси билан доимий алоқада бўлиб туришади.
Афсуски, Одил Аҳмедов Жанубий Кореяга қарши муҳим ўйинда Ўзбекистон терма жамоасига ёрдам бера олмаслиги аниқ бўлди.
