"Торино" "Верона" ярим ҳимоячиси Иван Илич билан шартнома имзолаганини эълон қилди. Ярим ҳимоячи мажбурий сотиб олиш имконияти билан мавсум охиригача ижара асосида "буқалар" сафига қўшилди.
Олдинроқ инсайдер Фабрицио Романо футболчининг 15 миллион евро эвазига "Марсель"га ўтиши ҳақида хабар берган эди.
Илич жорий мавсум А Серияда 12 та ўйинда майдонга тушиб, голли узатмани амалга оширди. Transfermarkt портали 21 ёшли сербнинг нархини 13 миллион еврога баҳоламоқда.
Аввалроқ, бир қатор инсайдерлар туринликлар Иван Илич билан биргаликда Элдор Шомуродовнинг ҳам "Торино" аъзосига айланишини кутишган эди, аммо якунда Элдор "Специя" сафига бориб қўшилди.