"Torino" "Verona" yarim himoyachisi Ivan Ilich bilan shartnoma imzolaganini e’lon qildi. Yarim himoyachi majburiy sotib olish imkoniyati bilan mavsum oxirigacha ijara asosida "buqalar" safiga qo‘shildi.
Oldinroq insayder Fabrisio Romano futbolchining 15 million yevro evaziga "Marsel"ga o‘tishi haqida xabar bergan edi.
Ilich joriy mavsum A Seriyada 12 ta o‘yinda maydonga tushib, golli uzatmani amalga oshirdi. Transfermarkt portali 21 yoshli serbning narxini 13 million yevroga baholamoqda.
Avvalroq, bir qator insayderlar turinliklar Ivan Ilich bilan birgalikda Eldor Shomurodovning ham "Torino" a’zosiga aylanishini kutishgan edi, ammo yakunda Eldor "Spesiya" safiga borib qo‘shildi.