"Эвертон" "Челси" ярим ҳимоячиси Конор Галлахерга қизиқиш билдирмоқда, дея хабар беради журналист Фабрицио Романо.
Клуб 22 ёшли ярим ҳимоячи учун 40 миллион фунт таклиф қилган. Яна 5 миллион лондонликлар қўшимча бонуслар кўринишида олишлари мумкин.
Галлахернинг "кўклар" билан шартномаси 2025 йилнинг ёзига қадар тузилган.
Ярим ҳимоячи жорий мавсум “Челси” сафида барча турнирлар доирасида 25 та ўйинда майдонга тушиб, 1 та гол урди ва 1 та голли узатмани амалга оширди.