"Манчестер Сити" ҳимоячиси Жоау Канселу тез орада "шаҳарликлар"ни тарк этиб, "Бавария"га ўтади. Daily Mail хабарига кўра, футболчининг кетишига бош мураббий Хосеп Гвардиола билан зиддият сабаб бўлган.
Футболчи ва мураббий ўртасидаги муносабатлар жаҳон чемпионатидаги танаффусдан кейин ёмонлашди. Канселу камроқ ўйнай бошлади, шунинг учун у ҳам ўз норозилигини аниқ билдирди. Охир-оқибат, агар унга муносиб таклиф тушса, футболчини қўйиб юборишга қарор қилинди.
Клуб мавсуми қайта бошланганидан бери Канселу сўнгги 11 ўйиннинг атиги тўрттасида майдонга тушди. У барча мусобақаларда жами 26 та ўйин ўтказиб, иккита гол урган ва бешта голли узатмани амалга оширган.
