"Manchester Siti" himoyachisi Joau Kanselu tez orada "shaharliklar"ni tark etib, "Bavariya"ga o‘tadi. Daily Mail xabariga ko‘ra, futbolchining ketishiga bosh murabbiy Xosep Gvardiola bilan ziddiyat sabab bo‘lgan.
Futbolchi va murabbiy o‘rtasidagi munosabatlar jahon chempionatidagi tanaffusdan keyin yomonlashdi. Kanselu kamroq o‘ynay boshladi, shuning uchun u ham o‘z noroziligini aniq bildirdi. Oxir-oqibat, agar unga munosib taklif tushsa, futbolchini qo‘yib yuborishga qaror qilindi.
Klub mavsumi qayta boshlanganidan beri Kanselu so‘nggi 11 o‘yinning atigi to‘rttasida maydonga tushdi. U barcha musobaqalarda jami 26 ta o‘yin o‘tkazib, ikkita gol urgan va beshta golli uzatmani amalga oshirgan.
