Марказий ҳимоячи Виктор Линделёф «Интер» ва «Атлетико Мадрид» клубларининг қизиқишларига қарамай, қишки трансфер ойнасида «Манчестер Юнайтед»ни тарк этмайди.
Бу ҳақда инсайдер Фабрицио Романо Твиттерда хабар берди. Манбага кўра, бош мураббий Эрик тен Хаг мавсумнинг ҳал қилувчи қисмида 28 ёшли швециялик футболчига тўлиқ ишонмоқда.
Виктор Линделёф 2017 йилнинг ёзида Лиссабоннинг «Бенфика» клубидан «Манчестер Юнайтед»га ўтган ва ўшандан бери олтинчи мавсумдирки, «қизил иблислар» шарафини ҳимоя қилмоқда.
Умуман олганда, футболчи инглиз клуби сафида 211 та ўйин ўтказиб, 3 та гол урди ва 6 та голли узатмани амалга оширган.
Transfermarkt Линделёфнинг нархини 15 млн еврога баҳоламоқда.
