Markaziy himoyachi Viktor Lindelyof «Inter» va «Atletiko Madrid» klublarining qiziqishlariga qaramay, qishki transfer oynasida «Manchester Yunayted»ni tark etmaydi.
Bu haqda insayder Fabrisio Romano Tvitterda xabar berdi. Manbaga ko‘ra, bosh murabbiy Erik ten Xag mavsumning hal qiluvchi qismida 28 yoshli shvesiyalik futbolchiga to‘liq ishonmoqda.
Viktor Lindelyof 2017 yilning yozida Lissabonning «Benfika» klubidan «Manchester Yunayted»ga o‘tgan va o‘shandan beri oltinchi mavsumdirki, «qizil iblislar» sharafini himoya qilmoqda.
Umuman olganda, futbolchi ingliz klubi safida 211 ta o‘yin o‘tkazib, 3 ta gol urdi va 6 ta golli uzatmani amalga oshirgan.
Transfermarkt Lindelyofning narxini 15 mln yevroga baholamoqda.
