«Манчестер Сити» ҳимоячи Рико Льюис билан янги шартнома имзоламоқчи.

Журналист Николо Скиранинг хабар беришича, «шаҳарликлар» аллақачон 18 ёшли футболчи билан музокараларни бошлаб юборган. Клуб Льюис билан шартномасини 2028 йилнинг ёзига қадар узайтирмоқчи.

Жорий мавсумда Рико Хосеп Гвардиола жамоаси сафида 14 та учрашувда қатнашиб, 1 та гол уришга эришди.

Льюиснинг «Манчестер Сити» билан амалдаги шартномаси 2024 йилгача мўлжалланган. «Шаҳарликлар» 20 ўйиндан кейин 45 очко тўплаган ҳолда Премьер-лига турнир жадвалида иккинчи ўринда бормоқда.