"Барселона" ҳам "Манчестер Сити" ҳимоячиси Жоау Канселони ўз сафига қўшиб олмоқчи эди. Бироқ 28 ёшли португалиялик Мюнхен клуби раҳбарияти билан учрашувдан сўнг "Бавария"га ўтишга қарор қилди, дея хабар беради журналист Флориан Плеттенберг.
Футболчини мавсум охиригача ижарага оладиган "Бавария" келаси ёзда Канселуни сотиб олиш имкониятига эга бўлади. Шартномада 70 миллион евро миқдори кўрсатилган, бироқ “шаҳарликлар” ўз талабларини камайтиришга тайёр.
28 ёшли ҳимоячи жорий мавсумда “Манчестер Сити” сафида барча турнирлар доирасида 26 та ўйинда майдонга тушиб, 2 та гол урди ва 5 та голли узатмани амалга оширди.
“Бавария” 18 турдан кейин 37 очко билан Бундеслига турнир жадвалида пешқадамлик қилмоқда.