"Barselona" ham "Manchester Siti" himoyachisi Joau Kanseloni o‘z safiga qo‘shib olmoqchi edi. Biroq 28 yoshli portugaliyalik Myunxen klubi rahbariyati bilan uchrashuvdan so‘ng "Bavariya"ga o‘tishga qaror qildi, deya xabar beradi jurnalist Florian Plettenberg.

Futbolchini mavsum oxirigacha ijaraga oladigan "Bavariya" kelasi yozda Kanseluni sotib olish imkoniyatiga ega bo‘ladi. Shartnomada 70 million yevro miqdori ko‘rsatilgan, biroq “shaharliklar” o‘z talablarini kamaytirishga tayyor.

28 yoshli himoyachi joriy mavsumda “Manchester Siti” safida barcha turnirlar doirasida 26 ta o‘yinda maydonga tushib, 2 ta gol urdi va 5 ta golli uzatmani amalga oshirdi.

“Bavariya” 18 turdan keyin 37 ochko bilan Bundesliga turnir jadvalida peshqadamlik qilmoqda.