"Манчестер Сити" ўнг қанот ҳимоячиси Кайл Уокерга "Фенербахче" қизиқиш билдирмоқда.
32 ёшли футболчи ҳар доим ҳам "шаҳарликлар"нинг асосий таркибига тушавермайди ва унинг шартномаси бир ярим йилдан кейин тугайди. A Spor хабарига кўра, "Фенербахче" инглиз футболчисини ўз сафига қўшиб олмоқчи. Манбага кўра, турк гиганти латерал учун тахминан 6-7 миллион евро таклиф қилишга тайёр.
Кайл Уокер жорий мавсум “Манчестер Сити” сафида 14 та ўйинда майдонга тушиб, 1 та голли узатмага муаллифлик қилган. Умуман олганда, у 2017 йилнинг июл ойида "Тоттенхем"дан кўчиб ўтганидан бери "шаҳарликлар" сафида 229 ўйин ўтказди.
