"ПСЖ" клуби "Челси"нинг ҳужумкор ярим ҳимоячиси Ҳаким Зиешни ўз сафига қўшиб олмоқчи.
Париж грандининг 29 ёшли марокашга қизиқиши ҳақидаги маълумотлар бир неча кун аввал пайдо бўлганди. L'Equipe нашри хабарига кўра, "Челси" ва "ПСЖ" ўртасидаги музокаралар тез суръатлар билан давом этмоқда, француз клуби сешанба куниёқ келишувни якунлаши керак. Парижликлар раҳбарияти январ ойидаги трансфер ойнаси ёпилгунига қадар ўтишни тугатиш учун қўлидан келган барча ишни қилади.
Ҳаким Зиеш жорий мавсум “Челси” сафида 15 та ўйинда майдонга тушиб, 1 та голга ассистентлик қилган.
