"Борнмут" "Сассуоло" ярим ҳимоячиси Ҳамед Траорени ўз сафига қўшиб олмоқчи, дея хабар беради Фабрицио Романо твиттерда.
Унга кўра, томонлар шартнома шартларини келишиб олишган - 22 ёшли ивуарлик 30 миллион евро ва бонуслар эвазига инглиз клубига ўтади.
Унинг Италия клуби билан шартномаси 2024 йилнинг ёзида якунига этади. Жорий мавсумда у 11 та ўйин ўтказиб, 3 та голли узатмани амалга оширди.
Аввалроқ инглиз клуби "Рома" билан Дзаньоло трансферини келишиб олганди, бироқ футболчининг ўзи келишувга рози бўлмади.