"Bornmut" "Sassuolo" yarim himoyachisi Hamed Traoreni o‘z safiga qo‘shib olmoqchi, deya xabar beradi Fabrisio Romano tvitterda.
Unga ko‘ra, tomonlar shartnoma shartlarini kelishib olishgan - 22 yoshli ivuarlik 30 million yevro va bonuslar evaziga ingliz klubiga o‘tadi.
Uning Italiya klubi bilan shartnomasi 2024 yilning yozida yakuniga etadi. Joriy mavsumda u 11 ta o‘yin o‘tkazib, 3 ta golli uzatmani amalga oshirdi.
Avvalroq ingliz klubi "Roma" bilan Dzanyolo transferini kelishib olgandi, biroq futbolchining o‘zi kelishuvga rozi bo‘lmadi.