"Лидс" "Рома" ярим ҳимоячиси Николо Дзаньоло учун курашга қўшилди. Журналист Николо Скиранинг хабар беришича, инглиз клуби 23 ёшли италиялик футболчининг трансфер ойнаси ёпилгунга қадар трансферни амалга оширишга ҳаракат қилади ва музокараларни бошлаб юборган.
Бироз вақт олдин ярим ҳимоячи трансфер сўрови билан чиққанди. "Рома" Дзаньоло учун фақат "Борнмут"дан расмий таклиф олди ва уни қабул қилди, футболчи эса трансферни рад этди. Энди у мавсум охиригача дисквалификация қилиниши мумкин.
Николонинг ўзи июнь ойида "Рома"дан кўпроқ таклифлар бўлиши кутилаётган вақтда кетишга умид қилмоқда. Унинг Рим клуби билан шартномаси 2024 йилгача мўлжалланган.
Ҳужумкор ярим ҳимоячи жорий мавсумда барча мусобақаларда 17 та ўйинда майдонга тушиб, 2 та гол урди ва 3 та голли узатмани амалга оширди.