"Lids" "Roma" yarim himoyachisi Nikolo Dzanyolo uchun kurashga qo‘shildi. Jurnalist Nikolo Skiraning xabar berishicha, ingliz klubi 23 yoshli italiyalik futbolchining transfer oynasi yopilgunga qadar transferni amalga oshirishga harakat qiladi va muzokaralarni boshlab yuborgan.
Biroz vaqt oldin yarim himoyachi transfer so‘rovi bilan chiqqandi. "Roma" Dzanyolo uchun faqat "Bornmut"dan rasmiy taklif oldi va uni qabul qildi, futbolchi esa transferni rad etdi. Endi u mavsum oxirigacha diskvalifikasiya qilinishi mumkin.
Nikoloning o‘zi iyun oyida "Roma"dan ko‘proq takliflar bo‘lishi kutilayotgan vaqtda ketishga umid qilmoqda. Uning Rim klubi bilan shartnomasi 2024 yilgacha mo‘ljallangan.
Hujumkor yarim himoyachi joriy mavsumda barcha musobaqalarda 17 ta o‘yinda maydonga tushib, 2 ta gol urdi va 3 ta golli uzatmani amalga oshirdi.
