Аргентина терма жамоаси ҳужумчиси Лионель Месси Нидерландияга қарши ўйиндан кейин қилган хатти-ҳаракатларидан афсусда.

Аргентиналик футболчи флеш-интервью пайтида Вегхорстга бу ердан кетишини айтди. У ўз навбатида Месси билан қўл бериб кўришмоқчи эканлигини айтганди.

“Мен бу ҳақда ўйламагандим, ҳаммаси бир зумда содир бўлди. Мен уларнинг ўйиндан олдин айтганларини, ван Гал нима деганини билардим. Вегхорстга “бу ердан кет” деганим менга ёқмади.

Катта кескинлик, асабийлашиш лаҳзасида ҳамма нарса жуда тез содир бўлади. Инсон ўзи қандай муносабатда бўлса, бу ҳақда ўйламасдан шундай муносабатда бўлади. Мен ўзим ҳақимда бундай таассурот қолдиришни ёқтирмайман, лекин булар ҳам содир бўлади", - дея Мессидан иқтибос келтиради Tyc Sports.

Аргентина ЖЧ-2022 финалида Францияни пеналтилар сериясида 3:3, 4:2 ҳисобида мағлуб этди.