"Лейпциг" испаниялик ярим ҳимоячи Искога қизиқиш билдирмоқда, дея хабар беради журналист Флориан Плеттенберг ўзининг Twitter саҳифасида.
Манбанинг хабарига кўра, немис клуби футболчини қишки трансфер ойнаси ёпилгунига қадар ўз сафига қўшиб олиши мумкин. "Буқалар" таркибида Иско жароҳат олган ярим ҳимоячи Дани Ольмо ўрнини эгаллаши мумкин. Испаниялик футболчи эркин агент, шунинг учун у бошқа клубга текинга ўтиши мумкин. Олдинроқ унга "Унион" қизиқаётгани хабар қилинганди.
Жорий мавсумнинг биринчи ярмида 30 ёшли Иско “Севилья” сафида тўп сурди ва клуб сафида барча турнирларда 19 та ўйинда майдонга тушиб, битта гол урди ва 3 та голли узатмани амалга оширди.