"Leypsig" ispaniyalik yarim himoyachi Iskoga qiziqish bildirmoqda, deya xabar beradi jurnalist Florian Plettenberg o‘zining Twitter sahifasida.

Manbaning xabariga ko‘ra, nemis klubi futbolchini qishki transfer oynasi yopilguniga qadar o‘z safiga qo‘shib olishi mumkin. "Buqalar" tarkibida Isko jarohat olgan yarim himoyachi Dani Olmo o‘rnini egallashi mumkin. Ispaniyalik futbolchi erkin agent, shuning uchun u boshqa klubga tekinga o‘tishi mumkin. Oldinroq unga "Union" qiziqayotgani xabar qilingandi.

Joriy mavsumning birinchi yarmida 30 yoshli Isko “Sevilya” safida to‘p surdi va klub safida barcha turnirlarda 19 ta o‘yinda maydonga tushib, bitta gol urdi va 3 ta golli uzatmani amalga oshirdi.