“Бавария” ва Франция терма жамоаси ҳимоячиси Бенжамен Павар “Барселона”га ўтмоқчи, деб ёзади журналист Фабрицио Романо.
Манба берган хабарга кўра, футболчининг агентлари Каталония клуби вакиллари билан суҳбатлашган ва унга "Барса"га ўтиш истагини билдирган. Каталонияликлар футболчини кейинги ёзда арзонлаштирилган нархда сотиб олишлари мумкин, чунки унинг немислар билан шартномаси 2024 йилнинг ёзида тугайди.
Жорий мавсумда 26 ёшли Павар “Бавария” сафида барча турнирлар доирасида 23 та ўйинда майдонга тушиб, 4 та гол урди.
