"Челси" ярим ҳимоячиси Хаким Зиеш фаолиятини "ПСЖ"да давом эттириши мумкин, дея хабар беради журналист Фабрицио Романо.
Манбанинг хабарига кўра, клублар 29 ёшли марокашлик футболчининг эҳтимолий трансферини муҳокама қилишмоқда. Футболчининг ўзи Париж клубига ўтишга рози. Бугун қўшимча музокаралар бўлиб ўтади.
Зиеш жорий мавсумда барча мусобақаларда 15 та ўйинда майдонга тушди ва битта голли узатмани амалга оширди. Унинг "Челси" билан шартномаси 2025 йилнинг ёзига қадар амал қилади. Transfermarkt портали футболчининг нархини 20 миллион еврога баҳоламоқда.