"Chelsi" yarim himoyachisi Xakim Ziyesh faoliyatini "PSJ"da davom ettirishi mumkin, deya xabar beradi jurnalist Fabrisio Romano.
Manbaning xabariga ko‘ra, klublar 29 yoshli marokashlik futbolchining ehtimoliy transferini muhokama qilishmoqda. Futbolchining o‘zi Parij klubiga o‘tishga rozi. Bugun qo‘shimcha muzokaralar bo‘lib o‘tadi.
Ziyesh joriy mavsumda barcha musobaqalarda 15 ta o‘yinda maydonga tushdi va bitta golli uzatmani amalga oshirdi. Uning "Chelsi" bilan shartnomasi 2025 yilning yoziga qadar amal qiladi. Transfermarkt portali futbolchining narxini 20 million yevroga baholamoqda.