Москванинг ЦСКА клуби аргентиналик ҳужумчи Адольфо Гайчни жорий мавсум охиригача ижара асосида "Верона"га ўтганини эълон қилди.
Қайд этилишича, ижара шартномасида 23 ёшли футболчини сотиб олиш варианти кўзда тутилган, у кетиш олдидан Москва клуби билан шартномасини олти ойга узайтиришга муваффақ бўлган.
Жорий мавсумда Гайч ЦСКА сафида 11 та ўйин ўтказиб, 2 та гол ва 2 та голли узатмани амалга оширди. Transfermarkt портали Аргентина терма жамоасининг собиқ футболчисини 1,8 миллион еврога баҳоламоқда.
РПЛнинг 17-туридан сўнг “ҳарбийлар” ўз ҳисобида 29 очко тўплаган ҳолда турнир жадвалида бешинчи ўринни эгаллаб туришибди.
