"Вольфсбург" бош мураббийи Нико Ковач "Унион"га қарши сафар учрашуви олдидан фикр билдирди. Жамоалар сешанба куни Германия кубоги 1/8 финалида тўқнаш келишади.
"Бу биз ўйнашимиз керак бўлган энг кучли рақиб. Менимча, айни дамда ""Унион"га қарши ўйнашдан кўра, "Бавария"га қарши ўйнаш осонроқ", — деди Ковач.
Айтиш жоизки, “Унион” Бундеслига турнир жадвалида айни дамда иккинчи ўринда бормоқда. Берлинликлар “Бавария”дан атиги бир очко ортда қолмоқда. Жамоалар орасидаги тафовутнинг қисқариши мюнхенликларнинг чемпионатда кетма-кет учта дуранг ўйнашига ёрдам берди.
