Киевнинг “Динамо” клуби ҳимоячиси Иля Забарний “Борнмут” футболчисига айланди, деб хабар беради инглиз жамоаси сайти.
Украина терма жамоасининг 20 ёшли футболчиси янги жамоаси билан 5,5 йиллик шартнома имзолади.
Битимнинг молиявий шартлари ошкор этилмаган, бироқ Британия ОАВларига кўра, Забарнийнинг трансфери “Борнмут”га 23 миллион фунт стерлингга тушган. Шу билан бирга, "Динамо" футболчининг навбатдаги трансферининг 20 фоизини олиш ҳуқуқини олди.
Трансфер шартларига кўра, "Динамо" ва "Борнмут" ҳам хайрия ўртоқлик ўйини ўтказишга келишиб олган.
