Франкфуртнинг “Айнтрахт” клубида ижара асосида ўйнаган “Ювентус” ҳимоячиси Лука Пеллегрини Италияга қайтди. Рим клуби сайти хабарига кўра, у жорий мавсумни "Лацио"да якунлайди.
Германия чемпионатининг жорий мавсумида ҳимоячи тўққизта ўйин ўтказди ва унумли ҳаракатлари билан ажралиб турмади. Немис нашрларининг ёзишича, футболчининг жамоа бош мураббийи Оливер Глазнер билан муносабатлари ёмонлашган.
23 ёшли Пеллегрини аввалроқ А серияда Римнинг бошқа бир жамоаси “Рома”да ўйнаган.













