Хулиан Араухонинг "Лос-Анжелес Гэлакси"дан "Барселона"га трансфери амалга оширилгани ҳақидаги қарор 1 февраль, чоршанба куни эрталаб расман қабул қилинади, деб ёзади журналист Фабрицио Романо ижтимоий тармоқларида.
Манбага кўра, келишув белгиланган муддатдан бир неча сония ўтиб расмийлаштирилган ва қарор МЛС раҳбариятига боғлиқ бўлади.
Шу билан бирга, томонлар ўтиш шартлари бўйича тўлиқ келишиб олдилар. Футболчининг "Барселона" билан шартномаси 2026 йилнинг июнигача мўлжалланган.
Эслатиб ўтамиз, Араухо 2019 йилдан бери "Лос-Анжелес Гэлакси"нинг асосий жамоасида ўйнаб келмоқда. 2022 йилги мавсумда 21 ёшли футболчи МЛСнинг 31 ўйинида майдонга тушиб, битта гол урди ва бешта голли узатмани амалга оширди. 2021 йилдан бошлаб Араухо Мексика терма жамоасига чақирилган.
"Барселона" 18 ўйинда 47 очко тўплаган ва Испания чемпионатининг 2022/2023 йилги мавсуми турнир жадвалида биринчи ўринда бормоқда. Кучли учликка “Реал” (42) ва “Реал Сосьедад” (39) ҳам кирган.
