Италиялик журналист Николо Скиранинг хабарига кўра, "Севилья" ҳужумкор ярим ҳимоячиси Аднан Янузай Туркияга кўчиб ўтиши мумкин.

Футболчи андалусияликларнинг асосий таркибида ўз ўрнини топа олмади, шунинг учун у клубини ўзгартиришга қарши эмас.

Футболчига "Истанбул Башакшехир" клуби шартнома таклиф қилишга тайёр ва трансфер ҳеч қандай мураккаб схемаларсиз амалга оширилади, чунки Туркияда қўшимча аризалар муддати 8 февралгача очиқ.

Турк клуби футболчини тўлиқ сотиб оладими ёки ижарагами, бу ҳақда аниқ маълумот йўқ.

Янузайнинг "Севилья" билан шартномаси 2026 йилнинг ёзига қадар амал қилади.