"Манчестер Сити" келаси ёзда ўз ярим ҳимоясини кучайтирмоқчи.
Daily Mail хабарига кўра, клуб "Лестер" ярим ҳимоячиси Жеймс Мэддисонга қизиқиш билдирмоқда. Бундан ташқари, “Ман Сити” Дортмунднинг “Боруссия” клуби футболчиси Жуд Беллингемга қизиқишда давом этмоқда.
"Манчестер Сити"нинг Мэддисонга эътибор қаратаётгани Пеп Гвардиола жамоада кўпроқ узоқдан зарба берувчи ярим ҳимоячиларни исташи билан боғлиқ. Жеймснинг "Лестер" билан амалдаги шартномаси 2024 йилнинг ёзига қадар мўлжалланган, ҳали янги шартнома имзоланмаган.
Ўтган ёзда "Ньюкасл" англиялик футболчи учун иккита таклиф билан чиққан, бироқ футболчини 60 миллион фунтга баҳолаган "Лестер" уни рад этганди. Бундан ташқари, жорий қишда Премьер-лиганинг бир қанча топ-клублари Мэддисонга сўров билан чиқишди.
Жеймс ўзини топ-клубда синаб кўрмоқчи, “Лестер” эса шартномаси 2023 йилнинг ёзига қадар давом этадиган Юри Тилеманс билан вазиятни такрорламасликка бел боғлаган. У аллақачон хориж клублари билан музокаралар олиб бориш ҳуқуқига эга.
Қайд этилишича, Илкай Гюндоган ва Бернарду Силванинг “Манчестер Сити”даги келажаги сўроқ остида.
Гюндоганнинг шартномаси ёзгача амал қилади, унинг текинга "Барселона"га ўтиши хабар қилинганди. Силва кўпдан бери Испаниядан қайсидир клубга ўтишни орзу қилган. "Барселона" уни ўтган ёзда сотиб олишга уриниб кўрди, аммо 70 миллион фунт стерлинг талаб қилган "Ман Сити"нинг молиявий талабларини қондира олмади. Бернарду бошқа клубга ўтишга мажбур бўладими ёки йўқми ҳозирча номаълум.
