"Андижон" бош мураббий вазифасига ўтаётган Азамат Абдураимовнинг ўрнини Алексей Евстафеев эгаллайди. Бу ҳақда Ўзбекистон футбол федерацияси расмий твиттери хабар бермоқда.
"Ўзбекистон U19 катта мураббийи Азамат Абдураимовнинг бошқа ишга ўтаётганлиги муносабати билан унинг ўрнини Алексей Евстафеев эгаллайди. Алексей Евстафеев ўсмирлар ўртасида Тошкентдаги Осиё (2010), Мексикадаги Жаҳон чемпионатларида (2011) Аҳмаджон Мусаев билан бирга ишлаган.
Ўзбекистон ёшлар терма жамоасига қайта таклиф қилинган Алексей Евстафеев шу билан бирга Ўзбекистон U22 да бош мураббий сифатида ҳам ишлайди", - дея хабар беради Ўзбекистон футбол федерацияси расмий твиттери.
