"Тоттенхэм" бош мураббийи Антонио Конте операция туфайли "Манчестер Сити"га қарши АПЛнинг 22-турини ўтказиб юбориши мумкин.
“Антонио Конте яқинда қоринда қаттиқ оғриқ ҳис қилди. Унга холецистит ташхиси қўйилгач, ўт пуфагини олиб ташлаш бўйича операция ўтказишга қарор қилинди. Мутахассис 1 февраль куни операция қилинади ва тузалгач, “Тоттенхэм”га қайтади. Клубдаги барча унга омад тилайди”, - дейилади “Тоттенхэм” баёнотида.
Эслатиб ўтамиз, "Тоттенхэм" 21 учрашувда 36 очко тўплаган ва Англия Премьер-лигасининг 2022/2023 йилги мавсуми турнир жадвалида бешинчи ўринда бормоқда.
