Тиззасидан олган жароҳати туфайли Златан Ибраҳимович 2022/2023 йилги мавсумда бирор марта майдонга тушмаган. Тажрибали швециялик ҳужумчининг сафга қайтиши январ ойида кутилганди, аммо муддатлар ўзгартирилди.
Италиялик инсайдер Жанлука ди Марционинг сўзларига кўра, Златан Ибрагимович "Тоттенхэм"га қарши Чемпионлар лигаси 1/8 финалининг биринчи ўйинида майдонга қайтишга умид қилмоқда. Ушбу ўйин 14 феврал куни "Сан-Сиро"да бўлиб ўтади.
Златан Ибраҳимович 41 ёшда. Унинг "Милан" билан амалдаги шартномаси жорий мавсум охиригача амал қилади.
Умуман олганда, Златан Ибраҳимович фаолияти давомида “Милан” сафида 159 та ўйин ўтказган. Уларда ҳужумчи 92 та гол урди ва 35 та голли узатмани амалга оширди.
