Қишки трансфер ойнасининг сўнгги кунида "Барселона" ярим ҳимоячи Софьян Амрабатни сотиб олмоқчи эди. Каталонияликлар "Фиорентина"га марокашлик футболчини сотиб олиш опсияси билан ижарага бериш таклифини жўнатишди, бироқ улар бунга жавобан рад этилди.
Il Corriere dello Sport хабарига кўра, "Фиорентина" "Барселона"дан ва шахсан каталонияликлар бош мураббийи Хавидан ғазабланган. Сешанба куни испаниялик мураббий Италия клуби рухсат бермаганига қарамай, Софьян Амрабатга қайта-қайта қўнғироқ қилган. "Фиорентина" бу хатти-ҳаракатини нопрофессионал деб ҳисоблайди.
Софьян Амрабат сешанба куни "Фиорентина" машғулотларини ўтказиб юборди ва "Торино"га қарши кубок ўйини учун таркибга киритилмади.
