Ярим ҳимоячи Мойсес Кайседо «Брайтон» машғулотларига қайтди, деб хабар беради BBC.

Январь ойида «Брайтон» Кайседо учун камида учта таклиф олди: «Челси»дан 55 миллион, «Арсенал»дан 60 миллион ва яна 70 миллион фунт.

Шундан сўнг ярим ҳимоячи расмий баёнот бериб, раҳбариятдан уни қўйиб юборишларини сўраган.

Қизиқарлиси, футболчига даъвогар клублар билан музокараларда иштирок этиш ва Кайседонинг хоҳишини қондириш ўрнига, «Брайтон» 21 ёшли эквадорлик футболчини жамоада олиб қолмоқчи.

Бугун Мойсес «Брайтон» базасига қайтиб, жамоа билан машғулот ўтказди.