"Манчестер Сити" клуби "Арсенал" ҳужумчиси Букайо Сакани ўз сафига қўшиб олмоқчи. Бироқ, “шаҳрликлар” бу келишувни қисқа муддатда амалга ошириш қийин бўлишини тушунишади. Бу ҳақда журналист Бен Жейкобс хабар берди.
21 ёшли Сака "Арсенал" тарбияланувчиси бўлиб, 2008 йилдан бери Лондон жамоасида тўп тепади. Ҳужумчи жорий мавсумда барча мусобақаларда 27 та ўйинда 8 та гол урди ва 7 та голли узатмани амалга оширди.
Томонлар ўртасидаги келишув 2024 йилнинг ёзига қадар мўлжалланган. Сака ЖЧ-2022 учун Англия терма жамоасига чақирилган. Унда у тўртта ўйин ўтказиб, рақиб дарвозасига учта гол урди.
