Россиянинг "Зенит" клуби ҳимоячиси Бруну Алвеш Мадриднинг "Атлетико" клубига ўтишга розилик билдирди. Бу ҳақда AS нашри хабар тарқатмоқда.
Манбанинг маълум қилишича, агар мадридликлар ҳимоячиси Диего Годин фаолиятини "Сити"да давом эттирадиган бўлса, португалиялик футболчи "Атлетико" билан музокаралар ўтказишга тайёрлигини маълум қилган.
Футболчининг агенти Жорже Мендешнинг "Атлетико" мутасаддилари билан яхши алоқада бўлгани, футболчининг Испанияга кўчиб ўтишига ёрдам беради, деган гаплар тарқалганди.
Эслатиб ўтамиз, олдинроқ Бруну Алвешга "Фиорентина" ва "Ювентус" жамоалари ҳам жиддий қизиқиш билдирганди.