Сўнгги пайтларда кетма-кет танловлар ва викториналар ўтказганимиз туфайли, ғолиблар учун топширилиши керак бўлган соврғалар йиғилиб қолганди. Қувонарли томони, викториналарда асосан вилоятларимиздан сайтга кираётган иштирокчилар ғолибликни қўлга киритишмоқда.

Кеча таҳририятга кела олган совриндорларга совғаларни топширдик. Энг аввало, журналистлар ўртасидаги танловда ғолибликни қўлга киритган Хушнудбек Худойбердиев ("Хафа бўламан" мақоласи) ва Махмуджон Эшонкулов (футбол карикатуралари)га телефон тақдим қилинди.

Фурсатдан фойдаланиб, Махмуджон Эшонкулов ҳақида қисқача маълумот бериб ўтсак.

1958 йил 21 январда Фарғона вилояти, Бешариқ туманининг Телов қишлоғида туғилган. Ҳозирда Тошкент шаҳрида яшайди. Низомий номиаи Тошкент давлат педагогика институтининг Бадиий графика факультетини тугатган. Ўзбекистон бадиий ижодкорлар уюшмасининг аъзоси. Республикамизда ва 40дан ортиқ хорижий мамлакатларда ўтказилган карикатура кўргазмаларида иштирок этган.


Шунингдек, "Лондон олимпиадаси"га бағишлаб ўтказилган викторинада 4 балл билан 2-ўринни олган "Tantum" никидаги мухлисимиз ҳам ўзига ажратилган USB-модемни олиб кетди. Унга Билайн алоқа операторига тегишли "3G-модем Huawei E173" ЮСБ-модеми тақдим қилинди.

Иштирокчимиз ўша заҳоти 2 ГБлик интернет пакетга уланди. Ундан ташқари компания томонидан ўтказилаётган акцияга кўра, ҳар ойда абонент ҳисобида 5,26$ ўтказиб турилади.

"Tantum" - Умиджон Худойқулов. Бухорода туғилган. Ҳозирда Тошкент шаҳрида истиқомат қилади.