«Манчестер Юнайтед» бош мураббийи Эрик тен Хаг ярим ҳимоячи Марсель Забитцернинг «Бавария»дан ижарага олингани ҳақида фикр билдирди. Забитцер жароҳат олган Донни ван де Бекнинг ўрнини эгаллаши керак.
«Биз бу трансфердан жуда мамнунмиз, чунки у Донни ван де Бек ва Кристиан Эриксеннинг узоқ давом этган жароҳатидан кейин бизга жуда керак эди. Скотт Мактоминай ҳам қисқа муддатга бўлсада сафдан чиқди.
Белгиланган муддатга сифатли ўйинчини олиб келиш қийин. Бизда шундай имконият бор, мен бу футболчини «Зальцбург»далигиданоқ яхши биламан.
«Манчестер Юнайтед»да ҳам яхши ўйин кутаман. У зўр хулқ-атворга эга. Ишончим комилки, бу имконият уни рағбатлантиради ва у биз учун курашади», - деди Тен Хаг.
