«Manchester Yunayted» bosh murabbiyi Erik ten Xag yarim himoyachi Marsel Zabitserning «Bavariya»dan ijaraga olingani haqida fikr bildirdi. Zabitser jarohat olgan Donni van de Bekning o‘rnini egallashi kerak.

«Biz bu transferdan juda mamnunmiz, chunki u Donni van de Bek va Kristian Eriksenning uzoq davom etgan jarohatidan keyin bizga juda kerak edi. Skott Maktominay ham qisqa muddatga bo‘lsada safdan chiqdi.

Belgilangan muddatga sifatli o‘yinchini olib kelish qiyin. Bizda shunday imkoniyat bor, men bu futbolchini «Zalsburg»daligidanoq yaxshi bilaman. 

«Manchester Yunayted»da ham yaxshi o‘yin kutaman. U zo‘r xulq-atvorga ega. Ishonchim komilki, bu imkoniyat uni rag‘batlantiradi va u biz uchun kurashadi», - dedi Ten Xag.