Ҳимоячи Начо Фернандес «Реал Мадрид»дан шартномани узайтириш бўйича таклиф олгани йўқ. The Athletic нашри хабарига кўра, 33 ёшли футболчи Мадрид клубидаги келажагига нисбатан умидсизликка тушиб қолган.

Начо Фернандес «Реал Мадрид» тарбияланувчиси ҳисобланади. У бутун фаолиятини клубда ўтказган ва ҳатто бирор клубга ижарага ҳам ўтмаган. «Қаймоқранглилар»нинг асосий жамоасида Начо 293 та ўйин ўтказиб, 15 та гол урган ва 9 та голга ассистентлик қилган.

Начонинг «Реал» билан амалдаги шартномаси жорий йилнинг июнь ойи охиригача амал қилади. Transfermarkt портали ҳимоячини 5 миллион еврога баҳоламоқда.