Тошкент вақти билан 01:30да бошланадиган Испания суперкубогининг дастлабки учрашувида майдонга тушадиган футболчилар номи маълум бўлди.

Мезбон жамоа сифатида майдонга тушадиган "Барселона" таркибида чемпионатнинг биринчи турида майдонга тушган футболчилардан бироз фарқ қилувчи таркибга ишонч билдирган. Чап қанотда Хорди Альба ўрнига Адриано майдонга чиқарилган бўлса, Тельо ўрнида олдинга чизиқда Алексис Санчес ҳаракат қилади.

Мадридликлар таркибида эса бугунги учрашувни Хосе Кальехон асосий таркибда бошлайдиган бўлди. Шунингдек, Раул Альбиоль Пепе ўрнида ҳимоя марказини эгаллайди.

Демак бошланғич таркиблар билан танишинг:

БАРСЕЛОНА: Виктор Вальдес, Даниэль Алвес, Херард Пике, Хавьер Маскерано, Адриано Коррейя, Серхио Бускетс, Хави Эрнандес, Андрес Иниеста, Педро Родригес, Алексис Санчес, Лионель Месси.

РЕАЛ МАДРИД: Икер Касильяс, Альваро Арбелоа, Рауль Альбиоль, Серхио Рамос, Фабиу Коэнтрау, Хаби Алонсо, Сами Хедира, Хосе Кальехон, Месут Ўзил, Криштиану Роналду, Карим Бензема.