«Манчестер Юнайтед» ҳимоячиси Рафаэль Варан 29 ёшида термадаги фаолиятини якунлаш ҳақидаги қарорига изоҳ берди.
Варан 2018 йилги жаҳон чемпионатида ғолиб чиққан ва Қатардаги жаҳон чемпионати финалига қадар етиб борган эди. Энди у Франция терма жамоаси сафида ўйнамайди.
«Мен бу ҳақда бир неча ой ўйладим ва халқаро футболдаги фаолиятини якунлаш вақти келди, деб қарор қилдим.
Терма жамоа билан бу лаҳзаларни албатта соғинаман, аммо янги авлод учун вақт келди. Бизда жамоа тизимини бошқаришга тайёр бўлган ёш иқтидорли ўйинчилар бор», - деб ёзди Рафаэль ижтимоий тармоқларда.
