"Манчестер Юнайтед" клуби жамоа ҳужумчиси Мейсон Гринвудга нисбатан барча жиноий айбловлар олиб ташланганлиги ҳақидаги хабардан кейин баёнот берди.
"Биз суднинг Мейсон Гринвудга қўйилган барча айбловларни олиб ташлаш тўғрисидаги қарорини қабул қиламиз. Энди клуб кейинги қадамларни эълон қилишдан олдин ўз жараёнидан ўтади. Бу жараён якунланмагунча, бошқа изоҳ бермаймиз" - дейилади "Манчестер Юнайтед" баёнотида.
Эслатиб ўтамиз, Гринвуд собиқ севгилисига нисбатан уйдаги зўравонликда айбланган. Айблов қўйилгач, "Манчестер Юнайтед" англиялик футболчини жамоадан чиқариб юборганди.
