"Реал" бош мураббийи "Барселона"га қарши кечган Испания суперкубогининг дастлабки учрашуви (2:3)ни изоҳлар экан, яримҳимоячи Каканинг нега йўқлигига аниқлик киритди ва қанот ҳаками рақиб фойдасига қарор чиқарганини таъкидлаб ўтди.

"Барселона"нинг жавоб тўпини киритган вазияти менга асло ёқмади. У ерда лайнсменнинг хатоси яққол кўриниб турган эди.

Биринчи бўлимда биз бироз муваффақиятсиз тўп сурдик. Баъзан шунақаси ҳам бўлиб туради. Қилишни истамаган ишингни қилишга мажбур бўласан. Рақибнинг ўйинга ўз режаси бор эди, бизнинг ҳам ўз режамиз. "Барселона" ўйиннинг биринчи бўлимида яхши ҳаракат қилди, иккинчи бўлимда эса бутунлай бошқача ўйин гувоҳи бўлдик.

Каканинг йўқлиги? Ҳеч нарса ўзгаргани йўқ. Биз 18 футболчи билан келдик. Мората ва Начо сингари футболчилар ҳам қайдномадан четда қолишди. Бироқ бугун Каканинг майдонга чиқиши менинг режамда йўқ эди. Ўйин давомида Игуаин ва Ди Марияни майдонга ташлаш зарурияти туғилди. Шунингдек, майдон марказини мустаҳкамлаш учун Марсело ҳам туширилди.

Кальехон яхши ўйнади. У бажарган ишлар ҳажми мени тўла қониқтирди", – дея Моуриньодан иқтибослар келтирмоқда AS.