"Барселона" ярим ҳимоячиси Френки де Йонг мавсум охирида жамоани тарк этмайди.
Нидерландиялик футболчи ўтган ёзда инглиз грандларидан бирига ўтиши мумкин эди, аммо Каталонияда қолишга қарор қилди. Жамоанинг иқтисодий қийинчиликлари уларни зудлик билан харажатларни камайтиришга мажбур қилганига қарамай, де Йонг ҳеч қандай ҳолатда ёзги трансфер ойнасида кетмайди, деб хабар беради Cadena SER. 25 ёшли ярим ҳимоячи мураббийлар штаби ва клуб раҳбариятини ўзининг ажралмаслигига ишонтирди.
Френки де Йонгнинг амалдаги шартномаси 2026 йилгача мўлжалланган. Тransfermarkt портали унинг қийматини 50 миллион еврога баҳоламоқда.
